Канберра

Канберра (Англи хэл: Canberra) нь Австрали улсын нийслэл хот юм. Улсынхаа зүүн өмнөд хэсэгт оршино. Шинэ Өмнөд Вэльс муж улсын нутагт байдаг ч засаг захиргааны хувьд биеэ дааж "Австралийн Нийслэлийн Нутаг Дэвсгэр" хэмээгдэн, аль ч муж улсын бүрэлдэхүүнд ордоггүй, Холбооны улсынхаа засгийн газарт шууд захирагддаг. 1913 оноос одоогийнхоо нэрээр нэрлэгдэх болсон.

Түүх

1901 онд Австрали улс Их Британиас тусгаар тогтноход нийслэл хот болохын төлөө Мельбурн, Сидней хотууд өрсөлдөж байв. Тус өрсөлдөөнд хэн нь ч ялж чадаагүй тул 1911 онд шинэ нийслэл хот Канберраг хоёр хотын голд барьж эхэлжээ.

1927 оныг хүртэл түр нийслэл нь Мельбурнд байрлаж байсан бөгөөд Канберрад 1929 онд анх удаа парламент хуралдсан байна.

1960 онд хотыг барьж дуусгасан бөгөөд АНУ-ын уран барилгач Уолтер Барли Гриффиний зураг төслөөр баригдсан аж. Тус хотод түүний нэрээр нэрлэгдсэн хиймэл нуур бий.

Газарзүй

Канберрагийн хүн ам нь 311,000 (2001 оны тооллогоор), улсдаа 8-рт орох хот юм.

Канберрагийн төв дэх Гриффиний гурвалжин

Соёл

Австралийн үндэсний номын сан (en:National Library of Australia)
Австралийн үндэсний музей (en:National Museum of Australia)
Австралийн үндэсний галерей (en:National Gallery of Australia)

Зам тээвэр

Канберрагийн олон улсын нисэх онгоцны буудал хотын зүүн захад байдаг.
Хотын зүүн өмнөд хэсгийн дүүрэг w:Кингстонд Канберра төмөр замын өртөө (Canberra railway station) оршино.